Jeetain $20,000
Kya aap ko Muzz par koi pasand aa gaya? Hum day rahay hain aik khushnaseeb couple ko $20,000 taakay woh shaadi kar sakain.
Hum day rahay hain $20,000!
Muzz par 500,000 shaadian honay ki khushi main hum iss mahinay aik Muzz couple ko daingay $20,000 taakay woh apna khuwaab poora kar sakain. Woh khuwaab chahay shaadi ka ho ya kuch aur khareednay ka, woh aap ki marzi!
Kya aap aisay couple ko jaantay hain jo Muzz par milay thay? Unhain refer karain aur unn kay jeetnay par payain $500. Detail yahan email karain.
Kaisay shaamil hon?
Step 1
Apnay honay walay partner kay sath 1 minute ki video record karain aur apni Muzz story batayain. Inn say mutasir hon.
Step 2
Apni story neechay diyay huay form par submit karain
Step 3
Kuch couples ko select karnay kay baad unn ki Muzz team kay sath video call ho gi
Step 4
Aik khushnaseeb couple ko select kar kay unn say raabta kiya jayay ga aur results hamaray social media par announce kiyay jayain gay. Follow karain @muzz_app ko.
Abhi tak ki Muzz kahaniyan
Samajh nahin aa raha keh kaisay video banayain?
Tarkeebain:
- Phone ko side may kar kay video banayain, landscape position may
- Apna background saaf aur pyara rakhain
- Apna taaruf karwayain aur apni kahani kay baray may kuch anokha batayain
- Humain aap kay pyaray chehray dekhnay hain! Khirki ki taraf ho kar video banayain taakay qudrati roshni milay
Sharayit o zawabit
- Ehliyut - 'Meri shaadi kay paisay do / Meray Nikah kay paisay do' wali meham har uss mulk aur shehar may jaiz hai jahan Muzz maujood hai. Meham may shaamil honay kay liyay, har fard ka kum az kum 18 saal ka hona lazmi hai, aur sath hi yeh saboot bhi daina ho ga keh jis sathi kay sath aap meham may shaamil ho rahay hain woh aap ka maujooda aur wahid sathi hai jis say aap ki mulaqaat Muzz par hui. Unn ka Muzz member hona aur Muzz par milnay ki tasdeeq hona bhi lazmi hai. Ehal honay kay liyay aap iss baat say mutafiq hain keh aap ko Muzz kay diyay huay $20,000 kay kharchay ki sari tafseel batani ho gi sath hi Muzz ko shaadi/mangni/taqreeb ko film karnay ki ijazat daini ho gi. Muzz har qisam ki qanooni daway say mustansana ho gi, hasil ya banai hui videos phir social media ya App par share ki jayain gi. Saray paisay ussi waqt diyay jayain gay jab hamaray pass sara marketing muwaad aa kar publish ho jayay ga.
- $20,000 jeetnay kay liyay aap ko Muzz ko iss baat ki ijazat daini ho gi keh woh aap ki shaadi kay har amal ko film aur document kar sakain, jis may yeh sab shaamil hain par inhi tak mehdood nahin, couple ki kahani, mangni, shaadi say pehlay ki tayari, shaadi, dulha aur dulhan kay sath sath unn kay doston aur rishtay daron kay interviews, aur beech beech may bhi film karna taqreeban shaadi honay kay do saal baad tak.
- Ehal honay kay liyay, aap aur aap kay partner ko iss baat say mutafiq hona ho ga keh aap dono, fateh qaraar honay kay aik saal baad tak 'Muzz Ambassadors' kay taur par kaam karain. Iss may press requests, social media campaigns, photoshoots shaamil hain par sirf inn tak mehdood nahin.
- Iss tohfay par saray riyasati aur muqami qanoon lago hain aur wahan koi meham hi nahin jahan yeh sab ghair qanooni ho. Kisi aik hi member ki taraf say mutaadid indraaj hona, jhooti kahani bana kar pesh karna ya kisi aur ki kahani ko apna bana kar batanay ki soorat may woh member na ehal ho jayay ga.
- Qawaid say razamandi: Iss meham may shaamil ho kar, aap aur aap ka sathi Muzz kay usool aur faislo say mutafiq hain aur aap ko har lihaaz say unn ka paband kartay hain. Muzz kisi cheez ko bhi tabdeel, mana, khatam ya na ehal kar sakta hai agar hum ko yeh laga keh woh Muzz ki qadar kay khilaaf hai ya phir do sathi tohfay laitay waqt sath nahin. Iss meham may shaamil ho kar, aap hamaray sharair aur zawabit say mutafiq aur haami bhartay hain aur unn say na mutafiq honay ki soorat main tohfay kay haqdaar nahin hon gay.
- Meham ka aghaaz 29th June 2023 shaam 5 pm GMT par aur akhri indraaj 1st December 2023 shaam 5pm GMT tak ho ga. Muzz ko yeh haq hasil hai keh woh kisi bhi waqt iss meham ko khatam kar sakti hai. Jeetnay walay kay baray may maloomaat Muzz kay socia media par di jayay gi.
- Tohfa kisi aur ko nahin diya ja sakta. Agar jeetnay wala couple 24 ghantay kay andar tohfa milnay ki tasdeeq ya kisi shart say mutafiq na ho to tohfa wapis lay kar kisi aur nayay couple ko chun kar fateh qarar day diya jayay ga. Tohfa uss soorat may bhi wapis lay liya jayay ga agar nikah/mangni/taqreeb jeetnay kay 6 maheenay kay andar andar nahin hui, phir koi doosra fatih couple Muzz ki team kay mutabiq chun liya jayay ga. Agar couple nay kisi bhi shart say inkaar ya film/marketing material bananay say mana kiya, to woh ussi waqt inaam ka haqdaar nahin rahay ga.
- Indraaj kay liyay muzz.com/ur-PK/payformywedding par ja kar pooray form ko bharna ho ga, aik minute ki video banani ho gi jis may dono partners apni Muzz kahani batani ho gi aur marketing team ki taraf say kisi bhi qisam ki call ya follow-up kay hawalay say tayar rehna parhay ga.
- Apnay indraaj kay baad aap iss baat say mutafiq hain keh Muzz ka marketing department aap ko aur cheezon say mutaliq bhi raabta kar sakta hai.
- Apnay indraaj kay baad aap iss baat say mutafiq hain keh Muzz aap ki zaati maloomaat ko rakh kar kabhi bhi kisi bhi marketing material may istaymaal kar sakta hai.
- Apnay indraaj kay baad aap iss baat say mutafiq hain keh Muzz aap ki video ko marketing kay hawalay say kabhi bhi use kar sakti hai.
- Misaal kay taur par, par iss tak mehdood na rehtay huay, indraaj ko kabhi bhi lists, khabron ki feed, emails, notifications, message boards, forums, blogs,blasts, online social community network profiles/groups/platforms, periodicals, magazines, news reports, websites, programming channels, broadcast ya kisi bhi qisam kay awaami display kay liyay istaymaal kiya ja sakta hai jis may Muzz ki branding (including promotional materials such as banners, photos, logos, trademarks, audio-visual content, etc.) shaamil hain.
- Har indraaj Muzz ko worldwide, perpetual,irrevocable, royalty-free, fully-paid, non-exclusive, sublicensable and transferable right ya ijazat aur license daita hai to use,reproduce, encode, store, copy, transmit, publish, post, broadcast, display, publicly perform, exhibit,create derivative works, modify and promote kisi bhi ya sari Postings in, on, through and in connection with any and all now known or hereafter devised, discovered or developed forms of media, products, platforms and services, kisi bhi itillah ya muawzay, right of inspection, royalty, accounting, liability or obligation kay taur par to any Entrant or any other third party.