هل تغير الزمن فعلاً لدرجة إننا ممكن نتزوج عن طريق تطبيق؟

خلينا نكون واقعيين.. هذي السنة الرابعة اللي نقول فيها (إن شاء الله السنة الجاية بنتزوج), وقبل ما نستوعب, تصير السنة الخامسة ولا زلنا نقول “إن شاء الله” هذا نحن اليوم في نص السنة وما تغير شي..
ايش الشي اللي المفروض نغيره؟ طريقة البحث, ولا المكان اللي نبحث فيه, ولا نحتاج نجرب وسيلة جديدة؟

اللا من جد.. ليش ما نعطي تطبيقات الزواج فرصة؟

مع التغيرات الثقافية والتحولات الاجتماعية في السنوات الأخيرة, نعيش في السعودية فترة حرجة لانخفاض معدلات الزواج, ويشتكي كثير من الراغبين في الزواج من قلة التوافق مع ترشيحات الأهالي والدوائر القريبة. ايش يسوي الشخص في هذي الحالة؟ ليش تطبيقات الزواج لا زالت من المحرمات, خاصة مع وجود تطبيقات مثل (Muzz) اللي ساعدت مليون مسلم حول العالم لإيجاد شريك حياتهم؟

كيف نوفق بين مز وأهلنا؟

الخطوة الأولى: ليش مز ؟

في البداية تعرّفوا على أهم ميزات تطبيق Muzz وعرفوا أهلكم والأشخاص اللي تثقوا فيهم بالمميزات اللي ممكن يكونوا جزء منها, مثل ميزة إضافة (ولي أمر). أو ميزة تمويه الصور, أو الفلاتر المتقدمة اللي تسمح بتحديد نوايا الزواج, مثل درجة التدين, الإنجاب, والسكن..الخ. عن نفسي أحب الفلاتر هذي لأنها تساعدني أرتب أفكاري عن ايش أنا أبغى بالضبط, وبنفس الوقت تحصر لي الترشيحات بنوعية الأشخاص اللي أنا أبيهم فعلاً!

الخطوة الثانية: شاركهم وأشركهم

بعد ما استيعابك لكل ميزات التطبيق وفهمك لطريقة تصميمه حتى يحميك ويساعدك بإيجاد شريكك المستقبلي. وقتها تكلموا مع أحد من أهلكم عن الموضوع. ممكن تسمع كلمتين مثل “على بالك الزواج وجبة نطلبها من تطبيق!!”, بس صدقني مع الوقت يوم يشوفوا ترشيحات  لأشخاص مناسبين ويلاحظوا كيف التطبيق يحمي صورك ومعلوماتك الشخصية, وقتها بيقتنعوا. 

نصيحتي: أشركهم ووضح لهم ميزة إضافة ولي أمر, وكيف ممكن نغبش الصور, بالإضافة الى فلترة الأشخاص (الوظيفة, العمر, المعتقدات الدينية). وزيدوهم من الشعر بيت وشاركوهم قصص نجاح لأزواج كانت بداياتهم على تطبيق Muzz – شوفوهم على قناتنا في اليوتيوب –

الخطوة الثالثة: “على نياتكم تفلترون”

لعلها الخطوة الأهم اللي يتجاهلها أغلبنا وهي تحديد النوايا والتفاصيل اللي يبحثوا عنها في الشريك. 

 فالبحث عن شخص طوله أكثر من 170 ما راح يكون عنصر حاسم للزواج. الاختيار الناجح للزواج عبارة عن مزيج من المعايير والأولويات مثل درجة التدين, الوضع المالي, الاهتمامات المشتركة, التطلعات المستقبلية, وغيرها.. لذا قبل ما تستخدموا التطبيق على عماكم بعدين تحسوا إن ما له فايدة, أجلسوا مع نفسكم وصارحوها، ايش هي أولوياتكم في الطرف الآخر؟ وايش الأشياء اللي مستحيل تقبلوها؟

في نفس الوقت, لا تعطوا مجال للأشخاص اللي تشعروا أنهم غير جادين أو ما عندهم إستعداد للخطوة اللي بعدها. وتفاعلوا مع الأشخاص اللي مستعدين إنهم ياخذوا خطوة فعلية لقدام.

طيييب.. هل فكرة إنك تلاقي شريكك المستقبلي عن طريق تطبيق لا زالت مربكة؟ اسألوا مليون قصة نجاح عندنا, من جد؟!

تذكروا إن التوفيق بيد الله, وكل اللي علينا إننا ناخذ بالأسباب..