Bartao ke rahnuma khatoot
Hum apne tamam members se aala tawaquaat rakhte hain.
Yaad rakhein: Isay halal rakhein!
Hum aise qabil e ehtram community hone per fakhar karte hain jo Islam ki taleemat ki musbat numayedgi karti hai. Hum ummed karte hain ke hamare membran ek dusre ke sath ehtram aur rahamdili se pesh aayenge.
App par ghalat rawayye ki shikayat (report) karne ka tariqa:
Pehla Marhala.
Unki profile par sab se neechay scroll karein.
Dusra Marhala.
“Report and block” button par tap karein.
Teesra Marhala.
Hamein batayein ke aap unhein kyun report ya block kar rahe hain.
Muzz ke rawaye ke rehnuma usool
Uryaniyat ya jinsi mawad ki ijazat nahi hai
Shaistagi barqarar rakhein. Is ka matlab hai ke jinsi noiyat ki koi tasaveer, videos, links ya guftagu ki ijazat nahi hai.
Duplicate accounts ki ijazat nahi hai
Members sirf aik account rakh saktay hain. Hamein dhoka dene ki koshish na karein, hamein maloom ho jata hai ke aap ne duplicate account banaya hai.
Tashaddud ki ijazat nahi hai
Hum tashaddud ke maamlay mein zero tolerance rakhte hain, bashumool dhamkiyan aur woh mawad jo tashaddud ya dehshat gardi ko farogh deta hai.
Nafrat angez guftagu ki ijazat nahi hai
Agar aap jins, nasl, qomiyat, firqay, mazuri, umar ya shahriyat ki bunyad par nafrat ko farogh dete hain to aap par pabandi laga di jaye gi.
Spam ki ijazat nahi hai
Agar aap aik hi message baar baar copy aur paste karein ge to aap ko warning di jaye gi. Takhleeqi banein, zaati noiyat ka message bhejein.
Jaali profiles ki ijazat nahi hai
Muzz jaali online shanakht banane ki jagah nahi hai. Koi aisa shakhs banne ka dikhawa na karein jo aap nahi hain. Hum par bharosa karein, yahan koi hai jo aap ki asal shakhsiyat ko janna chahta hai.
Tashheer ya darkhwast baazi ki ijazat nahi hai
Muzz woh jagah hai jahan aap apne mustaqbil ke shohar ya biwi se milenge, yeh dusri masnooaat bechne ya farogh dene ki jagah nahi hai.
Fahashi ya insani smuggling ki ijazat nahi hai
Koi bhi sargarmi jo ghair qanooni jinsi sargarmiyon, insani smuggling ya jinsi istehsaal ko farogh deti ho, fori pabandi ka baais banegi.
Maali maloomat ki ijazat nahi hai
Hum un members par fori pabandi lagate hain jo maali maloomat jese bank accounts, PayPal ya Venmo share karte hain.
Nabalighon ki ijazat nahi hai
Muzz istemal karne ke liye aap ki umar kam az kam 18 saal honi chahiye. Hum nabalighon ki tasaveer ya videos ki ijazat nahi dete, chahay woh aap ke apne bachay hi kyun na hon.
Harasaan karne ki ijazat nahi hai
Bashumool baar baar napasandida rabta aur woh iqdamat jo dusron ke sath badsalooki, dhamki ya tazleel ka baais bante hain.
Kasrat-e-izdawaj (Polygamy) ki ijazat nahi hai
Agarchay Islam kasrat-e-izdawaj (aik se ziyada shadiyon) ki ijazat deta hai, lekin yeh un aksar mumalik mein ghair qanooni hai jahan Muzz kaam karta hai. Hum un members ko ijazat nahi dete jo pehle se rishtay mein hain.
Online aur offline apna taqwa barqarar rakhein
Hamare paas is baare main Quran and Piyare Paigambar (SAW) ke hawale se saaf misalain moojood hain ke hum sabhi ko kiya kosis karni chahiye:
وَإِنَّكَ لَعَلَى خُلُقٍ عَظِيمٍ
"Aur yaqeeni taur per aap (khud ke) jabta-e-ikhlaq ko sarfaraz karo." (68:4)
Hum dua karte hain ke aap apne taqwa ko aap ke andar aur bahar dono jagah banaye rakhenge. kisi bhi namunasib bartao ke nateeze main a mustqil pabandi aayed ki ja skati hai..
Sabhi baat cheet ko Muzz per rakhain take hum aap ko mehfooz rakne ke liye apna kaam kar sakain
Hamare rahnuma asool ki khilaf warzi karne wale kisi rawyye ki report karain - Hum har ek report ki tafteesh karte hain
Hum reports ko kaise niptate hain
Rawayye ke qawaid hamare tamam members ke liye Muzz ko mehfooz rakhne ke liye qaim kiye gaye hain.
hamare rahnuma khatoot Muzz ko tamam membran ke liye mahfooz jagah ke tau per banaya gaya hai. Agar hamain bure rawiye ke baare main pata chalta hai ya report milti hai to, hum tahqeeq karenge aur kisi bhi member yahan tak ke Gold subscriberon ko bhi khabardar karne ya mustaqil taur per pabandi lagane ka haq mahfooz rakhenge.
Mazeed maloomat ke liye hamari Hifazati Hidayat parhein