Agar main apna account delete kar doon to kya ho ga?

‘Agar’ nahi habibi — jab.

Jab aap apna humsafar mil chuka ho, ya aap ko khud se dobara mohabbat karne ke liye thora waqt chahiye ho. To yahan yeh hota hai:

• Alvida, khuda hafiz: Apna account delete ke liye mark karne ka matlab yeh hai ke 2 saal guzarne ke baad aap ka account hamesha ke liye mita diya jaye ga – aap ka profile, tasaveer, chats, aur tamam personal maloomat hamare servers se remove kar di jayengi. Is ke baad koi wapsi nahi!

• Data deletion: Hamari Privacy Policy ke mutabiq, hum 2 saal ke andar aap ki maloomat ko poori tarah delete ya anonymize kar dete hain (albatta anonymized transaction records 2 saal tak mojood rehte hain).

• Matches aur Chats: Aap app par kisi bhi doosre member ko ab nazar nahi aayenge.

• Naya aaghaz: Agar aap account delete karne ke 2 saal baad apna khayal badal lein, to aap ko bilkul naya account banana hoga – purana data wapas nahi aaye ga.

• Heads up: Account delete karne se koi bhi active Gold subscription cancel nahi hoti – is liye payment provider ke zariye isay alag se manage karein.

  Kya aap waqai jana chahte hain? Agar nahi, to aap sirf account deactivate bhi kar sakte hain!